अखबार नेपाल ट्रेन्डिङ

काठमाडौं: नेपाली कांग्रेस सिरहा जिल्ला सभापति रामचन्द्र यादवलाई गोली हान्ने धम्की दिने एसपी हिराबहादुर पाण्डे निलम्बवनमा परेका छन् ।

उनले यादवको घरमा राती १ बजे पुगेर तीन दिनअघि गोली हान्ने धम्की दिएका थिए ।

प्रहरी प्रवक्ता एसएसपी वसन्त कुँवरका अनुसार प्रहरी प्रधान कार्यालयले हिजो (मंगलबार) विवादित एसपी पाण्डेलाई ३ महिनाका लागि निलम्बन गर्ने निर्णय गरेको हो ।

एसपी पाण्डले ६ महिना अघिमात्र जिल्ला प्रहरी प्रमुखको जिम्मेवारी सम्हालेका थिए ।

उनले आफूलाई सरुवा गरेको भन्दै यादवको घरमै गएर गोली हान्ने धम्की दिएका थिए ।