अखबार नेपाल ट्रेन्डिङ

काठमाडौं : विश्वभर महामारीमा रुपमा फैलिएको कोरोना भाइरसको संक्रमणबाट ज्यान गुमाउनेको संख्या ६९ हजार ४ सय ५८ पुगेको छ । यो भाइरस संक्रमितको संख्या १२ लाख ७३ हजार ७ सय १२ पुगेको छ ।

अमेरिकामा पछिल्लो २४ घण्टामा कोरोनाबाट १२ सय जनाको ज्यान गएको छ । जोन होप्किन्स युनिभर्सिटीको अपडेट अनुसार एकै दिन त्यहाँ १२ सय जनाको मृत्यु भएको हो । योसँगै अमेरिकामा कोरोनाबाट मृत्यु हुनेको संख्या ९ हजार ६ सय १६ पुगेको छ । त्यस्तै अमेरिकामा कोरोना संक्रमितको संख्या ३ लाख ३६ हजार ८ सय ६१ पुगेको छ । अमेरिकामा अहिलेसम्म १७ हजार ९ सय ७७ जना निको भएका छन् ।

अमेरिकामा अहिलेसम्म न्युयोर्कमा मात्र ४ हजार १ सय ५९ जनाको मृत्यु भएको छ । त्यस्तै न्यूजर्सीमा ९ सय १७ जनाको मृत्यु भएको छ भने मिचिगनमा ६ सय १७ जनाको ज्यान गएको छ । त्यस्तै लुसियानामा ४ सय ७७, क्यालिफोर्नियामा ३ सय ४७, वाशिंटनमा ३ सय ३८, इलिनियोइसमा २ सय ७४, जर्जियामा २ सय १९, मसाचुसेट्समा २ सय ३१, फ्लोरिडामा २ सय २१, कोनेक्टीकटमा १ सय ८९, पेन्सिलभेनियामा १ सय ५०, कोलोरोड़ोमा १ सय ४०, टेक्सासमा १ सय ३३, इण्डियनामा १ सय २७ र ओहियोमा १ सय १९ जनाको मृत्यु भएको जनाईएको छ । न्युयोर्कमा अहिलेसम्म एक लाख २३ हजार १८ जना संक्रमित भएका छन् । त्यस्तै न्यूजर्सीमा ३७ हजार ५०५ जना संक्रमित भएका छन् ।

कोरनाका कारण सबै भन्दा धेरै इटालीमा मृत्यु भएका छन् । त्यहाँ मृतकको संख्या १५ हजार ८ सय ८७ पुगेको छ । त्यस्तै स्पेनमा १२ हजार ६ सय ४१ जनाले ज्यान गुमाएका छन् । त्यस्तै फान्समा ८ हजार भन्दा बढीको मृत्यु भएको छ ।