अखबार नेपाल ट्रेन्डिङ

काठमाडौं: नेपाली क्रिकेट टोलीले एसिया कप क्रिकेट खेल्ने सपना अधुरो भएको छ । थाइल्याण्डमा जारी एसीसी इस्टर्न रिजन टी-ट्वान्टी क्रिकेट प्रतियोगिताबाट बाहिरिएसँगै नेपालको एसिया कप खेल्ने सपना अधुरो भएको हो ।

बैंककमा बुधबार भएको खेलमा सिंगापुरले हङकङलाई १६ रनले पराजित गरेपछि नेपाल एक खेल अगाबै प्रतियोगिताबाट बाहिरिएको हो । इस्टर्न रिजनबाट बाहिरिएसँगै नेपाल एसिया कप छनोट पुग्न असफल भएको हो । अब नेपालले बाँकी रहेको सिंगापुरविरुद्धको खेलमा जित निकाले पनि शीर्ष दुईमा स्थान बनाउन सक्ने छैन ।

अंक तालिकामा सिंगापुर ३ खेलमा ६ अंकका साथ शीर्ष स्थानमा रहेको छ । समान खेलमा मलेसिया र हङकङको समान ४/४ अंक रहेको छ । नेपाल २ अंकका साथ तालिकाको पुछारबाट दोस्रो स्थानमा रहेको छ । यस प्रतियोगिताको शीर्ष २ मा रहने टोलीले एसिया कप छनोटमा स्थान बनाउने प्रावधान छ ।