अखबार नेपाल ट्रेन्डिङ

काठमाडौं: सहिद स्मारक बी डिभिजन लिगको उपाधी रानीपोखरी कर्नर टिम आरसीटीले जितेको छ ।

रोल…

सातदोबाटो स्थित एन्फा कम्लेक्सको खेल मैदानमा भएको सुपर लिगको अन्तिम खेलमा श्री भगवती क्लबलाई १-० गोल अन्तरले पराजित गर्दै आरसीटीले उपाधि जितेको हो । आरसीटीको जितमा लोकेन्द्र बहादुर कार्कीले निर्णायक गोल गरे ।

उपाधिसंगै आरसीटीले ८ लाख रुपैयाँ नगद प्राप्त गरेको छ भने उपविजेता श्री भगवतीले ५ लाख रुपैयामा चित्त बुझाएको छ । उपाधि चुम्ने क्रममा आरसीटीले सुपर लिगमा ९ अंक जोड्यो भने श्री भगवतीले ६ अंक जोडेर उपविजेता बन्यो । ‘बी’ डिभिजन च्याम्पियन भएपछि आरसीटी ‘ए’ डिभिजनमा बढुवा भएको छैन । मंगलबारको खेलमा टुसाल युवा क्लवले सातदोबाटो युवा क्लबलाइ २-१ गोलअन्तरले पराजित गर्दै तेस्रो स्थान हासिल गरेको छ ।

सुपर लिगमा ३ अंक जोडेको टुसाल तेस्रो र सातदोबाटो युवा क्लब चौथो स्थान हाँसिल गरेको छ । यसैबीच एन्फाले सी डिभिजन लिगको खेल तालिका सार्वजनिक गरेको छ । सी डिभिजन लिगका खेल आजबाट सुरु हुनेछन् ।