अखबार नेपाल ट्रेन्डिङ

काठमाडौं: यो वर्षको उत्कृष्ट क्रिकेट खेलाडी नेपाली राष्ट्रिय पुरुष टोलीका सन्दीप लामिछाने र महिला टिमकी सीता राना मगर घोषित भएका छन् ।

क्रिकेट खेलाडी संघ सिप्यानले आयोजना गरेको एनसीसीएस- सिप्यान क्रिकेट अवार्ड समारोहमा दुई देलाडीलाई उत्कृष्ट घोषित गरिएको हो । अवार्डसँगै सन्दीपले १ लाख ३२ हजार र सीताले ६६ हजार रुपैयाँ नगद पुरस्कार पनि पाए । यस्तै वर्षको उदेयमान खेलाडीको अवार्ड रोहित कुमार पौडेलले जितेका छन् ।

नेपाललाई बी डिभिजनमा जिताउने करन केसीको इनिङ मोमेन्ट अफ द इयर घोषित भयो । नेपाली फुटबल र क्रिकेट दुवैमा योगदान दिएका कोमलबहादुर पान्डेलाई लाइफ टाइम अचिभ्मेन्ट अवार्डबाट सम्मानित गरिएको छ । पुरुष उत्कृष्ट अवार्डमा सन्दिपले कप्तान पारस खड्का, दिपेन्द सिंह ऐरी, करन केसी, सोमपाल कामीलाई पछि पारेका थिए । अन्तर्राष्ट्रिय फ्रेन्चाइज लिगहरुमा व्यस्त सन्दीप नेपालमा नरहेका कारण उनको अवार्ड कप्तान पारस खड्काले ग्रहण गरिदिए ।

बर्षको उत्कृष्ट महिला क्रिकेटर बन्न सिता रानामगरले इन्दु बर्मा, करुणा भण्डारी, रुवीना क्षेत्री र सरिता मगरलाई पछि पारीन् । हालै थाइल्याण्डमा भएको आइसीसी टी-२० महिला विश्वकप छनोटमा सिताको उत्कृष्ट प्रर्दशन गर्दै १ सय ३८ रन बनाएकी थिइन् । उत्कृष्ट उदयमान खेलाडी बन्नको लागि रोहितकुमार पौडेलले ललित राजवंशी, अभिनाश बोहरा, कविता कुवँर, सन्दिप जोरालाई पछि पारे । उनले अवार्डसँगै ६६ हजार रुपैयाँ हात पारेका छन् ।