अखबार नेपाल ट्रेन्डिङ

एजेन्सी: ईङ्ग्लिस प्रियिमर लिग फुटबलमा टोटेनहमले नाटकीय जित निकालेको छ । आईतबार राति भएको खेलमा टोटेनहमले उल्भ्सलाई २–१ गोल अन्तरले पराजित गर्न सफल रह्यो । बराबरीतर्फ धकेलिएको खेलमा टोटेनहमले अतिरिक्त समयमा गोल गर्दै जित निकालेको हो ।

टोटेनहमलाई जित दिलाउन खेलको ईन्जुरी समयमा जन वर्थोन्घेनले नाटकिय गोल गरे । सोही गोल उल्भ्सको ११ खेलको अपराजित यात्रा टुङ्गाउन पर्याप्त रह्यो । अतिरिक्त समयमा कर्नरबाट आएको बललाई वर्थोन्घेनले हेडमार्फत गोलको दिशा दिएका थिए । खेलमा अग्रता टोटेनहमले आठौं मिनेटमा लुकास मौराको गोलबाट लिएको थियो । दोस्रो हाफमा एडमा ट्रारेले गोल गर्दै उल्भ्सलाई खेलमा फर्काएका थिए ।