अखबार नेपाल ट्रेन्डिङ

पेरिस सेन्ट जर्मेन (पीएसजी) ले डिजोनलाई पराजित गर्दै कप डे फ्रान्सको सेमिफाइनलमा स्थान बनाएको छ ।

स्टार खेलाडी नेयमार, एडिन्सन काभानी र किलियन एमबाप्पेबिना उत्रिएको पीएसजीका लागि एन्जल डी मारियाले उत्कृष्ट प्रदर्शन गरेपछि टोली ३-० ले विजयी रहयो । डी मारियाले खेलको आठौं मिनेटमा उत्कृष्ट चिप प्रहार गर्दै पीएसजीलाई अग्रता दिलाएका थिए ।

डी मारियाले नै २८ औं मिनेटमा घरेलु टोलीको अग्रता दोब्बर पारे । दोस्रो हाफको ७६ औं मिनेटमा डिफेन्डर थोमस मुनिएरले गोल गर्दै पीएसजीलाई उपाधि नजिक पुर्याए । पीएसजी लगातार पाँचौ सिजन कप डे फ्रान्सको उपाधि हत्याउने सुरमा छ ।

फ्रान्सेली लिगमा एकछत्र राज जमाएको पीएसजीले च्याम्पियन्स लिगमा पनि राउण्ड अफ १६ को पहिलो लेगमा अग्रता लिएको छ । म्यानचेस्टर युनाइटेडविरुद्ध २-० ले अगाडी रहेको पीएसजीले मार्च ६ तारिखमा दोस्रो लेग घरेलु मैदानमा खेल्दैछ ।।