अखबार नेपाल ट्रेन्डिङ

एजेन्सीः स्पेनलाई पेनाल्टी सुटआउटमा हराउँदै इङ्ग्याल्याण्डले महिला युरो कपको उपाधि जितेको छ । आइतबार राति स्वीजरल्यान्डमा भएको फाइनलमा स्पेनलाई इङ्ग्याल्याण्डले पेनाल्टी सुटआउटमा ३–१ गोल अन्तरले पराजित गरेको हो । यसअघि निर्धारित समयको खेल १–१ गोलको बराबरीमा सकिएको थियो ।

खेलको २५औँ मिनेटमा मारियो काल्डेन्टलीको गोलमा स्पेनले अग्रता लिएको थियो । खेलको ५७औँ मिनेटमा केलीले गोल गर्दै इंग्ल्यान्डलाई खेलमा फर्काएका थिए । बराबरीमा सकिएको खेलको पेनाल्टी सुट आउटमा इङ्ग्याल्याण्डको केलीले विजयी गोल प्रहार गरिन् । स्पेनले लगातार तीन प्रहार खेर फालेको थियो । यी मध्येको दुई प्रहार इङ्ग्याल्याण्डकी गोलरक्षक हनाह हाप्टनले बचाएकी थिइन् ।

इङ्ग्याल्याण्डले विदेशी भूमिमा उपाधि जितेको यो पहिलो पटक हो । साथै लगातार तीन युरोपेली उपाधि जितेपछि प्रशिक्षक सरिना विगम्यान महान् प्रशिक्षकको भूमिकामा आफूलाई सूचीकृत गर्न सफल भएकी छिन् । उनले दुई फरक देशका लागि उपाधि जितेकी हुन् । कमब्याक क्विन पुष्टि गर्न सफल इङ्ग्याल्याण्ड युरो २०२५ का सबै नकआउट खेलमा पहिला गोल खाएको टिम हो ।