अखबार नेपाल ट्रेन्डिङ

एजेन्सी: स्पेन नेशन्स लिगको फाइनलमा पुगेको छ । लामिन यामालको २ गोलमा स्पेनले बिहीबार फ्रान्सविरुद्ध ५-४ गोल अन्तरले हराउँदै फाइनल यात्रा तय गरेको हो । स्पेनले पोर्चुगलसँग फाइनल खेल खेल्नेछ ।

१७ वर्षीय बार्सिलोनाका फरवार्ड यामालले स्टुटगार्टमा स्पेनका लागि २ गोल गरेका हुन् । फ्रान्सले अन्तिम ११ मिनेटमा ३ गोल गर्दै खेलमा रोमाञ्चक पुनरागमनको प्रयास गर्‍यो । यद्दपी त्यो सफल भएन । स्पेनले अग्रता जोगायो । अब आइतबार म्युनिखमा स्पेन र पोर्चुगलले फाइनल खेल्नेछन् । फ्रान्स र जर्मनीबीच स्टुटगार्टमा तेस्रो स्थानका लागि प्रतिस्पर्धा हुनेछ ।

निको विलियम्सले २२औं र मिकेल मेरिनोकाले २५औं मिनेटमा गोल गर्दै स्पेनलाई २-० ले अगाडि बढाए । खेलको ५४औं मिनेटमा यामालले पेनाल्टीमा गोल गरे । आद्रिएन राबिओले आफैलाई फाउल गरेपछि प्राप्त पेनाल्टी यामालले गोल गरेका हुन् ।

खेलको ५५औं मिनेटमा पेड्रीले विलियम्सको पासमा गोल त्यसपछि ५९औं मिनेटमा फ्रान्सका लागि किलियन एमबाप्पेले पेनाल्टीमा गोल गरे । पेड्रो पोर्रोको फाउलपछि फ्रान्सले पेनाल्टी पाएको हो । तर यामालले ६७औं मिनेटमा आफ्नो दोस्रो र स्पेनको पाँचौं गोल गोल गरेपछि खेल लगभग सकिएको जस्तो देखिन्थ्यो ।

तर फ्रान्सका परिवर्तित खेलाडी रायान चेर्कीले आफ्नो अन्तर्राष्ट्रिय डेब्युमा एमबाप्पेको पासमा समातेर बल २० यार्डबाट भलीमा शानदार गोल गरे । स्पेनी डिफेन्डर डानी भिभियनले ८४औं मिनेटमा आत्मघाती गोल गरेपछि खेल थप रोचक बन्यो । अतिरिक्त समयको तेस्रो मिनेटमा रान्डल कोलो मुआनीले चेर्कीको क्रसमा हेड गर्दै गोल खेललाई ५-४ को रोमान्चक अवस्थामा पुर्याए । तर फ्रान्स बराबरी गोल गर्न सकेन ।