अखबार नेपाल ट्रेन्डिङ

काठमाडौं: नेपाल क्रिकेट संघ (क्यान)ले पूजा महतोको कप्तानीमा एसिसी महिला यु-१९ एसिया कप खेल्ने टोलीको घोषणा गरेको छ । क्यानले सोमबार १५ सदस्ययी टोलीको घोषणा गरेको हो ।

टोलीमा नेपाललाई विश्वकपमा पुर्‍याएका अधिकांश खेलाडीले नै निरन्तरता पाएका छन् । टोलीको उपकप्तानमा सोनी पाख्रिन रहेकी छिन् । टोलीमा ओपनर साना प्रभिनसँगै सावित्री धामी, मध्यक्रमकी अलिशा यादब, कृष्मा गुरुङ, ज्योत्स्निका मरासिनीले पनि निरन्तरता पाएकी छन् । यस्तै, बलर सिमना केसी, रिया शर्मा, रचनाकुमारी चौधरी, तिर्सना विश्वकर्माले पनि स्थान बनाएकी छन् ।

यस्तै, कुशुम गोद्दार, किरणकुमारी कुँवर र अनु कडायतलाई पनि टोलीमा समावेश गरिएको छ । नेपाल रहेको समूहमा भारत र पाकिस्तान छन् । नेपालले पहिलो खेल डिसेम्बर १६ मा पाकिस्तानसँग खेल्दै प्रतियोगिताको सुरुआत गर्नेछ । त्यसको भोलिपल्ट नै भारतसँग खेल्ने तय छ ।