अखबार नेपाल ट्रेन्डिङ

काठमाडौं: विश्वकप लिग-२ मा आज नेपालले क्यानडासँग प्रतिस्पर्धा गर्दैछ । घरेलु मैदानमा पहिलो खेल जितेको क्यानडाविरुद्ध नेपालले आज बदला लिने लक्ष्यमा हुनेछ । पहिलो खेलमा नेपाल १०३ रनले पराजित भएको थियो । खेल आज साँझ ८:४५ बजे क्यानडाको किङ सिटी मैदानमा हुँदैछ ।

क्यानडा भ्रमणमा रहेको नेपालले सिरिज अन्तर्गत दुई ओडिआई प्रतिस्पर्धा क्यानडा र दुई प्रतिस्पर्धा ओमानसँग गर्दैछ । क्यानडासँग नेपालले दोस्रो खेल खेल्न लागेको हो । नेपालले ओमानसँग समेत पहिलो खेलमा १ विकेटको हार व्योहरेको छ । ओमानसँगको अन्तिम खेल नेपालले मंगलबार खेल्नेछ ।

नेपालले ओडीआई सिरिजपछि क्यानडा र ओमानसँग टी-२० सिरिजमासमेत प्रतिस्पर्धा गर्नेछ । क्यानडामा सिरिज खेलिसकेर नेपाल लिग-२ का लागि अमेरिका पुग्नेछ । अमेरिकामा नेपालले स्कटल्याण्ड र अमेरिकासँग त्रिकोणात्मक र टी-२० आई सिरिज खेल्नेछ । चार खेल खेलेको नेपालको २ अंक छ । यसअघि त्रिवि क्रिकेट मैदानमा नेपालले नामिबियासँगका दुई खेलमा हार व्योहोरेको थियो भने नेदरल्याण्डसँग एक जित र एक हारको नतिजा निकालेको थियो ।