अखबार नेपाल ट्रेन्डिङ

काठमाडौं: सुनुवार राष्ट्रसेवक समाजको आयोजनामा ‘सुनुवार राष्ट्रसेवक कप फुटसल-२०८१’ प्रतियोगिता आजबाट सुरु भएको छ । ३० टोलि सम्मिलित प्रतियोगित नक आउटको आधारमा खेलाईने आयोजक जनाएको छ ।

फुटसल प्रतियोगिता समाजले संविधान दिवस तथा समाजको वार्षिक साधारणसभाको अवसरमा फुटसल प्रतयोगिता आयोजना गर्न लागेको हो । समाजका अध्यक्ष अमरदीप सुनुवारका अनुसार संविधान दिवसलाई देशव्यापी रुपमा राष्ट्रिय दिवसको रुपमा मनाउन लागिएको हुँदा समाजले पनि सुनुवार समुदायका संस्थाहरूको सहभागितामा फुटसल प्रतियोगिता आयोजना गर्न लागिएको बताए ।

प्रतियोगितामा प्रथम हुने टोलीले नगद २५ हजार रुपैयाँसहित ट्रफी, मेडल र प्रमाणपत्र प्राप्त गर्नेछ भने दोस्रो र तेस्रो हुनेले क्रमशः नगद १५ हजार रुपैयाँ र ५ हजार रुपैयाँ सहित ट्रफी, मेडल र प्रमाणपत्र प्राप्त गर्नेछ । साथै प्रतियोगितामा उत्कृष्ट खेलाडी, उत्कृष्ट गोलकिपर र हाई स्कोररलाई पुरस्कारको व्यवस्था रहेको आयोजकले जनाएको छ । फुटसल प्रतियोगिता माकलबारीस्थित मनकामना फुटसल मैदानमा हुनेछ ।