अखबार नेपाल ट्रेन्डिङ

एजेन्सी: साविक विजेता रियल म्याड्रिड स्पेनिस ला लिगाको पहिलो खेलमा मालोर्कासँग बराबरीमा रोकिएको छ । ला लिगामा डेब्यु गरेका फ्रान्सका स्टार स्ट्राइकर किलियन एमबाप्पेको लागि डेब्यु राम्रो हुन सकेन ।

सोमबार मार्लोकाको घरेलु मैदानमा भएको खेलमा रियल १-१ को बराबरीमा रोकिएको हो । रियलका लागि रोड्रिगो र मार्लोकाका लागि वेदात मुरिकीले गोल गरे । १३औं मिनेटमा रोड्रिगोले गोल गर्दै रियललाई अग्रता दिलाएका थिए । ५३औं मिनेटमा वेदात मुरिकीले गोल गर्दै मालोर्कालाई खेलमा फर्काए । इन्ज्युरी समयको अन्तिम मिनेटमा रियलका फ्रिल्यान्ड मेन्डिले रातो कार्ड पाएका थिए । रियलका प्रशिक्षक कार्लो एन्सेलोट्टीले एटलान्टाविरुद्ध रोड्रिगो, भिनिसियस जुनियर र एमबाप्पलाई अट्याकिङ लाइनमा उतारेका थिए ।