अखबार नेपाल ट्रेन्डिङ

एजेन्सी: बेल्जियमलाई हराउँदै फ्रान्स युरोकप २०२४ को क्वाटरफाइनलमा प्रवेश गरेको छ । आत्मघाती गोलको उपहारसँगै १-० को जित दर्ता गर्दै फ्रान्स क्वाटरफाइनलमा प्रवेश गरेको हो ।

खेलको ८५औं मिनेटमा फ्रन्सका रान्डाल कोलो मुआनीको प्रहार बेल्जियम डिफेन्डर यान भर्टङगनलाई लागेर गोलमा परिणत भएको थियो । दुई दावेदार टोलीबीच आँकलन गरेभन्दा केही फितलो प्रदर्शन प्रस्तुत भएको थियो । दुवै टोलीले मौकाहरु सिर्जना गर्न संघर्ष गर्नु परेको थियो । र अन्त्यमा खेलको छिनोफानो आत्मघाती गोलले हुन पुग्यो ।