अखबार नेपाल ट्रेन्डिङ

काठमाडौं: लेबनानमा हुने सेडास वुमेन्स कप-२०२४ को पहिलो खेलमा नेपाली राष्ट्रिय महिला फुटबल टोली जोर्डनसँग भिड्ने भएको छ । प्रतियोगिताका लागि नेपालले २२ सदस्यीय टोलीको घोषणा गरेको छ । अखिल नेपाल फुटबल संघ (एन्फा) ले बुधबार टोलीको अन्तिम नामावली घोषणा गरेको हो ।

लेबनान फुटबल संघले सार्वजनिक गरेको तालिका अनुसार नेपालले जुन १० अर्थात् असार २६ गते जोर्डनसँग खेल्ने भएको छ । साउदी अरबमा भएको वाफ महिला च्याम्पियनसिपमा नेपाल जोर्डनसँग टाइब्रेकरमा पराजित भएको थियो । सेडास वुमेन्स कप अन्तर्गत दोस्रो खेलमा जुन १२ अर्थात् असार २९ गते नेपाल बंगलादेशविरुद्ध खेल्नेछ । समूह चरणको अन्तिम खेल नेपालले जुलाई १६ अर्थात् साउन १ गते लेबनानसँग खेल्ने तालिका छ ।

चार देश सम्मिलित प्रतियोगिता सिंगल राउन्ड रोविनमा हुनेछ । समूह चरणको शीर्ष २ मा रहने टोली उपाधिका लागि भिड्नेछन् । वाफ च्याम्पियनसिप खेलेको टोलीबाट मिडफिल्डरद्वय रेनुका नगरकोटे र सरु लिम्बुले पुनरागमन गरेका छन् । यो प्रतियोगितापछि नेपालले कात्तिकमा घरेलु मैदानमा साफ महिला च्याम्पियनसिप खेल्नेछ ।

नेपाली राष्ट्रिय टोलीः