अखबार नेपाल ट्रेन्डिङ

एजेन्सी: १७औं संस्करणको युरोकप आजदेखि जर्मनीमा सुरु हुँदैछ । आयोजक राष्ट्र जर्मनले शुक्रबार म्युनिखमा हुने उद्घाटन खेलमा स्कटल्याण्डको सामना गर्दैछ । म्युनिख फुटबल एरिनामा समूह ‘ए’ अन्तर्गतको खेल नेपाली समय अनुसार शनिबार बिहान १२:४५ बजे सुरु हुनेछ ।

युरोकपमा तीन पटकसम्म उपाधि उचालेको जर्मनको यो संस्करणको आयोजक हो । जर्मन चार पटकसम्मको विश्वकप विजेता पनि हो । सन् २००६ मा फिफा विश्वकप आयोजना गरेयता जर्मनीले पहिलो पटक ठूलो प्रतियोगिता आयोजना गर्न लागेको हो । ६ समूहमा २४ देशहरू सहभागी प्रतियोगितामा कुल ५१ खेलहरू हुनेछन् ।

युरोकपका खेलहरू जर्मनका १० सहरका विभिन्न स्टेडियममा हुनेछन् । २४ शीर्ष युरोपियन टोलीहरू छ समूहमा विभाजित रहेका छन् । फाइनल जुलाई १४ मा बर्लिनको ओलम्पिक स्टेडियममा हुनेछ । यसपालि स्वीडेन, नर्वे, लगायतका देशहरू युरोकपमा छनोट भएका छैनन् ।

समूह ‘ए’: जर्मनी, स्कटल्याण्ड, हंगेरी र स्वीट्जरल्याण्ड

समूह ‘बी’: स्पेन, क्रोयशिया, इटाली र अल्बानिया

समूह ‘सी’: स्लोभेनिया, डेनमार्क, सर्बिया र इंग्ल्याण्ड

समूह ‘डी’: पोल्याण्ड, नेदरल्याण्ड्स, अष्ट्रिया र फ्रान्स

समूह ‘इ’: बेल्जियम, स्लोभाकिया, रोमानिया र युक्रेन

समूह ‘एफ’: टर्किए, जर्जिया, पोर्चुगल र चेक रिपब्लिक