अखबार नेपाल ट्रेन्डिङ

एजेन्सी: आईसीसी टी-२० विश्वकपमा ओमानमाथि ऐतिहासिक ३.१ ओभरमा ८ विकेटको जित निकाल्दै इंग्ल्याण्डले विश्वकपको सुपर ८ पुग्ने सम्भावना जीवितै राखेको छ । शुक्रबार बिहान भएको खेलमा ओमानले दिएको ४८ रनको लक्ष्य इंग्ल्याण्डले ८ विकेटको क्षतिमा ३.१ ओभरमा भेट्टाएको हो । विश्वकप इतिहासमा यो ऐतिहासिक जित हो ।

ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा ४ चौका र १ छक्का सहित २४ तथा अर्का ओपनर फिल साल्टले ३ बलमा २ छक्का सहित १२ रन बनाए । जोनी बेयर्स्टो ८ रनमा अविजित रहे । विल ज्याक्सले ५ रन बनाए । ओमानका बिलाल खान र कलिमुल्लाहले १-१ विकेट लिए ।

त्यसअघि टस हारेर पहिला ब्याटिङ गरेको ओमान १३.२ ओभरमा ४७ रनमा अलआउट भयो । ओमानका सोएब खानले ११ रन बनाउनु बाहेक अन्य ब्याटरले दोहोरो अंकमा रन बनाउन सकेनन् । इङ्ल्यान्डका लागि आदिल राशिदले ४ तथा जोफ्रा आर्चर र मार्क वुडले ३-३ विकेट लिए ।

समूह ‘बी’ मा अष्ट्रेलियाको ३ खेलमा ६ अंक छ । यस्तै स्कटल्यान्डको ३ खेलमा ५ तथा इङ्ल्यान्डको ३ खेलमा ३ अंक छ । नामिबियाको ३ खेलमा २ अंक छ । ओमानले ४ खेलमा विना अंक टि-२० विश्व कपको यात्रा अन्त्य गरेको छ ।