अखबार नेपाल ट्रेन्डिङ

काठमाडौं: धरानमा जारी २४औँ बुढासुब्बा गोल्डकपको उपाधिका लागि आज न्यूरोड टिम एनआरटी र मोरङ फुटबल एसोसिएसनबीच प्रतिस्पर्धा हुँदैछ । एनआरटी दोस्रोपटक उपाधि नजिक पुगेको हो । यस्तै मोरङ फुटबल एसोसिएसन पहिलोपटक फाइनलमा पुगेको हो ।

विभागीय त्रिभुवन आर्मी र गत वर्षको उपविजेता काँकडभिट्टा फुटबल ट्रेनिङ सेन्टरलाई पराजित गर्दै फाइनलमा पुगेको एनआरटी दोस्रोपटक उपाधि जित्ने  दाउमा छ । ४ पटकको विजेता नेपाल पुलिस र आयोजक टिम धरानलाई हराउँदै पहिलोपटक फाइनलमा पुगेको मोरङ पनि उपाधि जित्ने दाउमा छ ।

धरान फुटबल क्लबको आयोजनामा आज धरान रंशालामा हुने फाइनल खेलको विजेताले ट्रफीसहित नगद  १० लाख र उपविजेताले नगद ५ लाख रुपैयाँ पुरस्कार हात पार्नेछन् । प्रतियोगितामा सहिद स्मारक ‘ए’ डिभिजन  लिग विजेता चर्च ब्वाइज  क्लबसहित आठ टिमको सहभागी थिए ।