अखबार नेपाल ट्रेन्डिङ

काठमाडौं: नेपाली राष्ट्रिय फुटबल टोलीले आज मलेसियासँग मैत्रीपूर्ण खेल खेल्ने भएको छ । मलेसियासँगको अनौपचारिक मैत्रीपूर्ण खेल खेल्ने नेपाली टोली बिहीबार मलेसिया पुगेको छ ।

नेपाली टोली बंगलादेश ट्रान्जिट हुँदै मलेसिया पुगेको हो । एन्फाले टोलीमा कुनै भूमिका नरहेका १० पदाधिकारीलाई मलेसिया भ्रमणमा लगेपछि युवा तथा खेलकुद मन्त्रालयले छानविन गरी कारबाही गर्न राखेपलाई पत्र काटेको छ ।

खेलकुद ऐनमा राष्ट्रिय खेलकुद परिषद्को स्वीकृति लिएर मात्र अन्तराष्ट्रिय स्तरमा हुने खेलकुद प्रतियोगितामा सहभागी हुनुपर्ने कानूनी व्यवस्थाको एन्फाले उल्लंघन गरेको भन्दै मन्त्रालयले एन्फालाई कारबाही गर्न भनेको हो ।

एन्फाबाट विश्वकप छनोट अन्तर्गतको राष्ट्रिय फुटबलब टिमको भ्रमण टोलीमा खेलमा संलग्न समूह बाहेक १० जना अनावश्यक व्यक्तिहरु सहभागी हुन जान लागेको र दशरथ रंगशालामा गैर फुटबल गतिविधि संचालनका लागि एन्फाले राखेपलाई पत्राचार गरेको विषयमा आफ्नो ध्यानाकर्षण जनाउँदै सरकारसँग स्वीकृति नलिएर भ्रमण टिम बाहिर पठाउने गतिविधिमा कारबाही गर्न मन्त्रालयले भनेको हो ।