अखबार नेपाल ट्रेन्डिङ

काठमाडौं: यू-१९ एसिया कपको उपाधिका लागि आज बंगलादेश र युएईबीच प्रतिस्पर्धा हुँदैछ । सेमिफाइनलमा भारतलाई हराउँदै बंगलादेश र पाकिस्तानलाई हराउँदै युएईले फाइनलमा स्थान बनाएका हुन् ।

बंगलादेशले साबिक विजेता भारतलाई ४ विकेटले हरायो । भारतले दिएको १८९ रनको लक्ष्य बंगलादेशले ४२ ओभर ५ बलमा ६ विकेट गुमाएर भेट्टायो । अर्को सेमिफाइनलमा घरेलु टोली युएईले पाकिस्तानलाई ११  रनले हरायो । १९४ रनको लक्ष्य पछ्याएको पाकिस्तानले  ४९ दशमलव ३ ओभरमा १८२ रनमात्र बनायो । एसियाकपमा सहभागी नेपाली टोली भने समूह चरणबाटै बाहिरिएको थियो ।