अखबार नेपाल ट्रेन्डिङ

एजेन्सी: युरोकप २०२४ छनोट अन्तर्गत बेल्जियम र स्विडेनबीचको हाफ समयमा गोली चलेपछि खेल स्थगित भएको छ । गएराति ब्रसेल्स शहरमा गोली चल्दा दुई जनाको मृत्यु भएको छ ।

मृतकहरूले स्वीडेन फुटबल टोलीको जर्सी लगाएका थिए । यद्दपी उनीहरू सोही खेल हेर्न जाँदै थिए वा थिएनन् भन्ने  पुष्टि भएको छैन । खेल स्थगित भएपछि फुटबल फ्यानहरूलाई रंगशालामै बस्न भनिएको थियो ।

खेलको पहिलो हाफमा भिक्टर ग्योकेरेसले गोल गर्दै स्वीडेनलाई सुरुवाती अग्रता दिलाएका थिए भने रोमेलु लुकाकुले गोल गर्दै खेल १–१ को बराबरीमा पुर्याएका थिए । ३० मिनेटपछि खेल रद्द भएको घोषणा भएको थियो । स्वीडेनका खेलाडीहरूले आक्रमण पछि खेल जारी राख्न चाहेनन् र बेल्जियमको टोलीले यस निर्णयलाई समर्थन गरेको थियो ।

बेल्जियम प्रहरीका अनुसार बन्दुकधारी घटनास्थलबाट फरार भएक थिए । प्रहरीले यस घटनालाई आतंकवादको रूपमा व्यवहार गरिरहेको समेत जानकारी दिएको छ । बेल्जियमले अर्को वर्ष जर्मनीमा हुने युरो कपमा आफ्नो स्थान सुरक्षित गरिसकेको छ भने स्वीडेनको छनोट हुने सम्भावना  छैन ।