अखबार नेपाल ट्रेन्डिङ

एजेन्सी: अष्ट्रेलिया र न्युजिल्यान्डमा जारि फिफा महिला विश्वकप फुटबलमा आज क्वार्टरफाइनलका अन्तिम दुई खेल हुँदैछन् ।

नेपाली समय अनुसार दिउँसो पौने १ बजे सनकर्प स्टेडियममा शुरु हुने खेलमा घरेलु टोली अस्ट्रेलिया र फ्रान्सबीच प्रतिस्पर्धा हुनेछ ।

दिउँसो सवा ४ बजे स्टेडियम अस्ट्रेलियामा इङ्ल्याण्ड र कोलम्बिया आमनेसामने हुनेछ ।

यसअघि शुक्रबार भएका खेलमा जित निकाल्दै स्पेन र स्वीडेन सेमिफाइनलमा पुगेका छन् । पहिलो क्वाटरफाइनल खेलमा स्पेनले नेदरल्यान्ड्सलाई २-१ गोल अन्तरले हराउदै सेमिफाइनलना प्रवेश गरेको छ ।

निर्धारित समय १-१ गोलको बराबरीमा सकिएपछि खेल अतिरिक्त समयमा पुगेको थियो । स्पेनकी साल्मा पारेलुले १११औ मिनेटमा गोल गरेपछि स्पेन विजयी भएको हो । यो संगै स्पेन पहिलोपटक विश्वकपको सेमिफाइनलमा पुगेको छ ।

त्यसैगरी स्विडेनले उपाधि दावेदार मानिएको जापानलाई २-१ गोलअन्तरले हराउदै सेमिफाइनलमा प्रवेश गरेको छ । स्वीडेनका लागि ए लेस्टि र एफ एन्जलले समान १/१ गोल गरे । उता जापानका लागि एह्यांसीले १ गोल फर्काइन ।

जापानका लागि खेलको ७६औ मिनेटमा आर युकिले पेनाल्टीमा गोल गर्न चुकेपछि खेलमा फर्किने मौका गुमाएको थियो ।

स्वीडेन यस अघि अर्को बलियो टोली अमेरिकालाई पराजित गर्दै क्वाटरफाइनमा आएको थियो ।

सेमिफाइनल खेल अगष्ट १५ र १६ मा हुनेछन् ।