अखबार नेपाल ट्रेन्डिङ

एजेन्सी: स्पेनिस लिगमा रियल मड्रिडले भिल्ला रियलसँग बराबरी खेलेको छ । आईतबार राती भएको खेलमा रियलले भिल्ला रियलसंग २-२ गोलको बराबरी खेल्दै अंक बाँडेको हो । रियलका लागि दुवै गोल ग्यारेथ वेलले गरे ।

खेलको अन्तिम समयमा दुई पहेलो कार्ड खाँदै मैदान छाड्नु अघि वेलले रियललाई एक अंक दिलाउन सफल रहे । खेलको १२औ मिनेटमा जेरार्ड मोरिनोको गोलबाट भिल्ला रियलले सुरुवाती अग्रता लिएको थियो । पहिलो हाफको ईन्जुरी समयमा वेलले बराबरी गोल फर्काएका थिए । गोमेज बर्डोनाडोले ७४ औ मिनेटमा गोल गर्दै पुन घरेलु टोलीलाई अग्रता दिलाएका थिए ।

खेल सकिन चार मिनेट बाँकी छदाँ वेलले व्यक्तिगत गोल गर्दै रियललाई हारबाट जोगाएका थिए । तर ईन्जुरी समयमा उनी रातो कार्ड खादै मैदान बाहिरिन पुगे । दोस्रो हाफमा सुधारिएको प्रर्दशन गरेको रियलले थप गोल गर्न भने सकेन । बराबरीको नतिजासंगै रियल तालिकाको पाँचौ स्थानमा उक्लियो । भिल्ला रियलभने १६ औ स्थानमा उक्लिएको छ ।