अखबार नेपाल ट्रेन्डिङ

एजेन्सी: पोर्चुगिज फरवार्ड क्रिस्टियानो रोनाल्डोले राखेको कीर्तिमानलाई तोड्दै लियोनेल मेस्सीले युरोपका शीर्ष पाँच लिगमा सर्वाधिक गोल गर्ने कीर्तिमान बनाएका छन् ।

फ्रेन्च लिग वान अन्तरगत शनिबार राति स्टार्सवर्गसँग १–१ गोलको बराबरीमा रोकिएको खेलमा गोल गर्दै मेस्सीले रोनाल्डोको कीर्तिमान तोडेका हुन् ।

रोनाल्डोले राखेको किर्तिमानीलाई उछिनेर मेस्सीले आफ्नो करिअरको ४९६औं लिग गोलको मद्दतमा पिएसजीलाई कीर्तिमानी ११औं पटक फ्रेन्च लिग वानको उपाधि सुरक्षित गराए ।

मेस्सीले गत महिना उपाधिका प्रतिद्वन्द्वी लेन्सविरुद्ध गोल गर्दै रोनाल्डोको कीर्तिमान बराबरी गर्न सफल भएका थिए । तर, क्लबको अनुमतिविना साउदी अरेबियाको यात्रा गरेको भन्दै उनी दुई साताको निलम्वनमा परेका थिए ।

मेस्सीले लिगमा हालसम्म ५७५ खेलमा ४७ हजार ३९ सेकेन्ड मैदानमा बिताउँदा ४९६ गोल र २४७ असिस्ट दिएका छन् । रोनाल्डोले ६२६ खेलमा ५१ हजार ६९ सेकेन्ड मैदानमा बिताउँदा ४९५ गोल र १५१ असिस्ट दिएका छन् ।

मेस्सीले यो सिजनको अन्यसँगै पिएसजी छाड्ने सम्भावना छ । मेस्सीको बार्सिलोना फर्कने सम्भावना रहँदा उनीसँग साउदी प्रो लिगमा रोनाल्डोसँग पुनः मिल्ने आकर्षक प्रस्ताव पनि छ ।