अखबार नेपाल ट्रेन्डिङ

एजेन्सी: आर्सनलले इंग्लिस प्रिमियर लिग फुटबलमा कठिन जित निकालेको छ । घरेलु टोली आर्सनलले बर्नलीमाथि २–१ कठिन जित निकालेको हो । इमिरेट्स स्टेडियममा शनिबार भएको खेलमा आर्सनललाई जिताउन पिएरे हेनरिक औवामियाङ र एलेसन्डर अर्नाल्डले गोल गरे । बर्नलीका एस्ले बार्नेसले एक गोल गरे ।

प्रतिस्पर्धात्मक बनेको खेलको १३औं मिनेटमा एलेसन्डर अर्नाल्डको गोलबाट आर्सनल खेलमा अघि बढेको थियो । उनले ड्यानियल सेवालसको पासलाई गोलमा परिणत गरेका थिए । ४३औं मिनेटमा बर्नलीले बराबरी गोल फर्काएपछि पहिलो हाफ १–१ गोलको बराबरीमा सकिएको थियो । ६४औं मिनेटमा पिएरे हेनरिक औवामियाङले गोल गर्दै आर्सनललाई २–१ को अग्रता दिलाए । त्यसपछि थप गोल निस्कन नसक्दा आर्सनल २–१ ले विजयी रहन सफल भयो ।