अखबार नेपाल ट्रेन्डिङ

एजेन्सी: ईंग्लिस प्रिमियर लिग फुटबल अन्तर्गत म्यानचेस्टर युनाईटेड विरुद्ध चेल्सीलाई सुरुवाती झड्का लागेको छ । शनिबार राति भएको पहिलो खेलमा उपाधि दावेदार चेल्सी म्यानचेस्टर युनाईटेडसँग ४-० गोल अन्तरले पराजित भएको हो ।

घरेलु मैदानमा युनाईटेडलाई जित दिलाउन मार्कस राष्फोर्डले दुई गोल गरे । यस्तै एन्थोनी मार्सियल र ड्यानियल जेम्सले एक एक गोल गरे । ओल्ड ट्राफोर्डमा खेलको १८ औं मिनेटमा राष्फोर्डले पेनाल्टीमा गोल गर्दै युनाईटेडलाई सुरुवाती अग्रता दिलाएका थिए । पहिलो हाफमा १-० ले अग्रता बनाएको युनाईटेडले दोस्रो हाफमा भने थप तीन गोल गर्यो । खेलको ६५ औं मिनेटमा मार्सियलले गोल गर्दै युनाईटेडको अग्रता २-० को बनाए ।

६७ औं मिनेटमा राष्फोर्डले व्यक्तिगत दोस्रो गोल गर्दा युनाईटेड ३-० ले अघि रह्यो । त्यसपछि खेलको ८१ औं मिनेटमा डेब्यु खेलाडी जेम्स ड्यानियलले गोल गर्दै युनाईटेडलाई ४-० को जित दिलाए । जितसँगै युनाईटेडले ३ अंकबाट सिजनको सुरुवात गरेको छ । चेल्सीले भने हारबाट सिजनको सुरुवात गरेको छ । यस्तै मुख्य प्रशिक्षक फ्रान्क लाम्पार्डले प्रिमियर लिगमा हारबाट डेब्यु गरेका छन् ।