अखबार नेपाल ट्रेन्डिङ

काठमाडौं: आईसीसी विश्वकप क्रिकेटमा आज समूह चरणका अन्तिम दुई खेलहरु हुँदैछन् । आज हुने पहिलो खेलमा उपाधि दावेदार भारत र श्रीलंकाबीच प्रतिस्पर्धा हुँदैछ । दुई टोलीबीचको खेल नेपाली समय अनुसार दिउँसो सवा तीन बजेबाट सुरु हुनेछ । हेडिंगले कार्जीमा दुबै टोली जितका लागि मैदान उत्रनेछन् । एक खेल अगावै सेमिफाइनलमा स्थान बनाएको भारतले लिग चरणको अन्तिम खेल खेल्दैछ ।

भारत समूह चरणको एउटा खेलमा मात्र इङ्ल्यान्डसँग ३१ रनले पराजित भएको थियो । भारत आजको खेलमा पनि जित निकाल्दै प्रतियोगितामा अझै बलियो दावेदारी देखाउने योजनामा छ । यता श्रीलंका आजको खेलमा जित निकाल्दै प्रतियोगिताको सुखद अन्त्य गर्ने योजनामा छ ।

आजै हुने दोस्रो खेलमा शीर्ष स्थानको अष्ट्रेलियाले दक्षिण अफ्रिकासँग प्रतिस्पर्धा गर्दैछ । वल्ड ट्राडफोर्डमा हुने खेलमा दुबै टोली जित निकाल्ने योजनामा मैदान उत्रनेछन् । आजको खेलमा जित निकालदै अष्ट्रेलिया समूह विजेता भएर प्रतियोगिताको अघिल्लो चरणमा बलियो दावेदारी देखाउने योजनामा छ । आजको खेलमा पराजित भएमा र भारतले जित निकालेमा भारत समूह विजेता हुनेछ । यता समूह चरणको पहिलो खेलबाट नै कमजोर भएको दक्षिण अफ्रिका आजको खेलमा जित निकाल्दै प्रतियोगिताबाट सुखद विदाई गर्ने योजनामा छ ।