अखबार नेपाल ट्रेन्डिङ

एजेन्सी: आईसीसी एकदिवसीय क्रिकेट विश्वकपमा आज दावेदार भारत र बंगलादेशबिच प्रतिस्पर्धा हुँदैछ । ईङग्ल्याण्डको बर्मिङघममा विश्वकप अन्तर्गत आज हुने खेल भारत र बंगलादेश दुबैको लागि महत्वपूर्ण खेल हो ।

भारतले पछिल्लो खेलमा ईङग्लयाण्डसँग पराजित हुँदै अपराजित यात्रा टुङग्याएको थियो । भारत सातौ खेलमा ईङग्लयाण्डसँग पराजित भएको थियो । भारतले जारी विश्वकपमा पाँचमा जित एकमा हार र एउटा खेलका वर्षाका कारण रद्द भएको थियो । भारतको सात खेलबाट एघार अंक छ । यता बंगलादेशको सात खेलबाट सात अंक छ ।

बंगलादेशले बाँकी रहेको दुबै खेलमा जित निकाले अन्तिम चारमा पुग्न सक्ने केही गणितिय सम्भावना बाँकी नै छ । अफगानिस्तानसँगको खेलमा चोटिल बनेका बंगलादेशी मध्यक्रमका ब्याटस्म्यान महमदुल्लाह आजको खेलमा फर्किने भएपछि बंगलादेशलाई राहत मिलेको छ । ईङग्ल्याण्डसँग खेलेको मैदानमा नै आज भारतले बंगलादेशसँग खेल्न लागेको हो ।

आज भारतले कमजोर प्रदर्शन देखिएको केदार जाधवको स्थानमा अनुभवी दिनेश कार्तिकलाई खेलाउन सक्नेछ । भारत र बंगलादेशबीचको खेल आज नेपाली समय अनुसार दिउँसो ३:१५ बजेबाट शुरु हुनेछ ।