अखबार नेपाल ट्रेन्डिङ

काठमाडौं: नेपालले तेस्रो तथा अन्तिम एकदिवसिय अभ्यास खेलमा आज केन्यासँग खेल्दैछ । एक खेल अगावै सिरिज जितेको नेपाल क्लिनस्विप गर्ने सोचमा हुनेछ ।

केन्या अन्तिम खेलमा जितका साथ सिरिजमा क्लिनस्विप हुनबाट बच्न चाहन्छ । नेपाल पहिलो खेलमा ७ विकेट र दोस्रो खेलमा १७ रनले विजयी भएको थियो ।

नेपालले सिरिज जिति सकेको खण्डमा आज मौका नपाएका खेलाडीलाई अवसर दिनसक्छ । युवा अलराउन्डर विवेक यादव र तीव्र गतिका बलर किशोर महतोलाई मौका दिनसक्छ ।

यी दुई खेलाडीलाई नेपालले खराब प्रदर्शन गर्दै आएका पवन सरार्फ र दीपेन्द्रसिंह ऐरीलाई विश्राम दिँदै मौका दिनसक्छ । त्यस्तै आरिफ शेख र आसिफ शेख दुबैलाई आजको खेलमा मौका दिनसक्छ ।

नेपालको तीव्र गतिको बलरमा सोमपाल कामी र करण केसी छन् । नेपालले एक बलरलाई विश्राम दिनसक्छ । ज्ञानेन्द्र मल्ल, देव खनाल र रोहित पौडेलको प्रदर्शन महत्वपूर्ण हुनेछ ।