अखबार नेपाल ट्रेन्डिङ

पोखरा: पोखरामा जारी छैटौं महिला तथा सातौं पुरुष बीच भलिबल प्रतियोगितामा महिला तर्फ शसस्त्र प्रहरी बलको एपीएफ एले प्रदेश-५ ए लाई पराजित गर्दै सेमिफाईनलमा प्रबेश गरेको छ ।

विनिता बुढाथोकी र नेविका चौधरीको जोडीले प्रदेश ५ की भावना डाँगी र सर्मिला नेपालीको जोडीलाई २१-१४ र २१-६ को सेटमा पराजित गर्दै सेमिफाईनल प्रवेश गरेको हो । यसैगरी नेपाली सेनाको त्रिभुवन आर्मी क्लबले प्रदेश नं ५ बीलाई पनि सहजै पन्छाएको छ । आर्मीका मनिषा खाँड र पुष्पपल परियारको जोडीले अन्जना बुढाथोकी र राधा बुढाथोकीको जोडीलाई पराजित गर्दै अन्तिम चारमा प्रवेश गरेका छन् ।

नेपाल पुलिस क्लब एले पनि प्रदेश नं १ को एलाई पराजित गर्दै भलिबलमा विभागयीय प्रभुत्वलाई कायमै राखेको छ । यसैगरी पुरुष तर्फको प्रतिस्पर्धामा गण्डकी प्रदेश ए ले प्रदेश नं १ को ए टोलीलाई पराजित गर्दै क्र्वाटरफाईनलको सम्भावना बलियो बनाएको छ । यसैगरी शसस्त्र प्रहरी बलको ए टोलीले प्रदेश-१ ए लाई पराजित गर्यो । यसैगरी अर्को खेलमा त्रिभुवन आर्मी क्लबले कर्णाली प्रदेशको ए टोलीलाई पराजित गरेको छ । नेपाल पुलिसकै ए टोलीले प्रदेश १ को ए टोलीलाई पराजित गर्दै विभागीय क्लबको बर्चस्वलाई कायमै राखे ।

कास्की जिल्ला भलिबल संघको व्यवस्थापन र नेपाल भलिबल संघको आयोजनामा पोखराको लेकसाईडस्थित बाराही खेल मैदानमा आयोजित प्रतियोगितामा पुरुष तर्फ आज क्र्वाटरफाईनलका खेलहरु सञ्चालन हुने छन् ।