अखबार नेपाल ट्रेन्डिङ

काठमाडौं: दोस्रो ललितपुर महानगरपालिका मेयरकप राष्ट्रिय फुल कन्ट्याक्ट कराँते प्रतियोगिता -२०७८ सुरु भएको छ ।

नेपाल बालकुमारी क्योकुशिन कराते संघद्वारा आयोजित प्रतियोगिताको उद्घाटन ललितपुर महानगरपालिकाका मेयर चिरिबाबु महर्जनले गरे ।

प्रमुख अतिथि मेयर महर्जनबाट आगामी वर्ष पनि हुने तेस्रो मेयर कप संस्करणको लागि ललितपुर महानगरपालिकाबाट आगामी बर्षको बजेट विनियोजनको लागि रातो किताबमा उल्लेख गराउने प्रतिबद्धता व्यक्त गरे ।

फागुन २७ र २८ गते दुई दिन भएको प्रतियोगितामा नेपालको विभिन्न जिल्लाहरुबाट दुई सय खेलाडीको उपस्थित थियो ।

ललितपुरको मंगलबजारको हखामा भएको प्रतियोगितामा पुरुष खुल्ला तौल समूह प्रथम रुपक नेपाली, पुरुष खुल्ला तौल समूहमा दोस्रो सनि सिंह, पुरुष ५५ के. जि. तौल समूहमा प्रथम ओम तामाङ, पुरुष ५५ के. जि. तौल समूहमा दोस्रो रोशन गोतामे, पुरुष ६० के. जि. तौल समूहमा प्रथम हितेश रानामगर,  पुरुष ६० के. जि. तौल समूहमा दोस्रो संजय कुमार गुप्ता, महिला ५० के. जि. तौल समुहमा प्रथम शान्ति थापामगर, महिला ५० के. जि. तौल समुहमा दोस्रो एकता कुमाल, महिला ५५ के. जि. तौल समुहमा प्रथम रोहिणी कस्ती, महिला ५५ के. जि. तौल समुहमा दोस्रो वन्दना तामाङ, महिला खुल्ला तौल समुहमा प्रथम मन्जु वि.क., र महिला खुल्ला तौल समुहमा दोस्रो सुष्मीता सुनुवार रहेका छन् ।

प्रतियोगिता अन्तर्गत प्रथम हुने हरेक खेलाडीले नगद रु. १५ हजार  तथा शिल्ड र प्रमाण प्रत्र र त्यसैगरी दोस्रो हुने खेलाडीले रु. १० हजार  र तेस्रो हुने खेलाडीले रु. ५ हजार क्रमशः प्राप्त गरेका छन् ।

दोस्रो दिनको कार्यक्रमको समापन पछि पुरस्कार वितरण गर्ने क्रममा पहिलो पटक स्व. रामजीप्रसाद बज्राचार्य स्मृति पुरस्कार रु. ५० हजार नगद पुरस्कार प्रथम हुने महिला तथा पुरुष ६ जनाबाट गोलाप्रथा मार्फत वितरण गरिएको आर्मीको शान्ति थापामगरले प्राप्त गरेका छन् ।