अखबार नेपाल ट्रेन्डिङ

एजेन्नसी: स्पेनिस खेलाडी राफायल नाडालले कीर्तिमानी १२ औं पटक फ्रेन्च ओपन टेनिसको उपाधि जितेका छन् । पेरिसमा आईतबार भएको फाइनलमा अस्ट्रियाका डोमिनिक थिमलाई पराजित गर्दै नाडालले कीर्तिमानी १२ औं पटक उपाधि जितेका हुन् ।

क्ले कोर्टका बादशाह मानिने नाडालले चौंथो वरियताका थिमलाई ६-३,५-७,६-१ र ६-१ को सेटमा हराए । दोस्रो वरियताका नाडालले लगातार तेस्रो बर्ष फ्रेन्च ओपन जितेका हुन् । योसँगै नाडाल १२ औं पटक फ्रेन्च ओपनको उपाधि जित्ने एक्लो खेलाडी बनेका छन् । नाडालले यो करियर १८ औं ग्राण्डस्लाम उपाधि समेत हो । जितपछि नाडालले आफ्नो यो सफलताको वर्णन गर्न नसक्ने बताए । नाडालले पहिलोपटक सन् २००५ मा फ्रेन्च ओपन जितेका थिए ।