अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलको दशौँ चरण अन्तर्गत आज तीन खेलहरु हुँदैछ ।

लिग अन्तर्गत दुई खेल त्रिपुरेश्वरस्थित दशरथ रंगशालामा र एक खेल एन्फा कप्लेक्समा हुनेछ ।

पहिलो खेलमा मछिन्द्र फुटबल क्लब र च्यासल युथ क्लबबीच दशरथ रंगशालामा दिउँसो १ बजे सुरु हुनेछ ।

सातदोबाटोस्थित एन्फा कप्लेक्समा नेपाल पुलिस क्लब र सातदोबाटो युथ क्लबबीचको खेल पनि १ बजे सुरु हुनेछ । पुलिस १० अंक जोडेर दशौँ स्थानमा छ । सातदोबाटो १२ अंक जोडेर सातौं स्थानमा छ ।

मछिन्द्र ९ खेलमा २३ अंक जोडेर शीर्ष स्थानमा छ । च्यासललाई हराएर मछिन्द्र शीर्ष स्थानको अग्रता थप फराकिलो बनाउन चाहन्छ ।

च्यासल ९ खेलमा ५ अंक जोडेर पुछारमा रहेको छ । रेलिगेसनबाट बच्न च्यासललाई यो जित्ने पर्ने दवावमा छ ।

यसैबीच दशरथ रंगशालामा हुने दोस्रो खेलमा मनाङ मर्स्याङ्दी क्लब र थ्री स्टार क्लबबीच प्रतिस्पर्धा हुनेछ । यी दुईबीचको खेल ४:४५ बजे सुरु हुनेछ  ।

मनाङ ९ खेलमा १९ अंक जोडेर दोस्रो स्थानमा रहेको छ ।

मनाङ थ्री स्टारलाई हराएर उपाधि होड कायम राख्न चाहन्छ ।

थ्री स्टार १६ अंक जोडेर चौंथो स्थानमा रहेको छ ।

थ्री स्टार पनि मनाङलाई हराएर तेस्रो स्थानमा उक्लन चाहन्छ ।