अखबार नेपाल ट्रेन्डिङ

काठमाडौं: प्रधानमन्त्री कप क्रिकेट प्रतियोगिता अन्तर्गत आज दुई खेल हुँदैछ । त्रिवि क्रिकेट मैदानमा प्रदेश २ र कर्णाली प्रदेश तथा मुलपानी क्रिकेट मैदानमा नेपाल पुलीस र प्रदेश १ बीच प्रतिस्पर्धा हुनेछ । प्रतियोगिता अन्तर्गत हिजो भएको खेलमा त्रिभुवन आर्मी र प्रदेश तीनले जित निकालेका छन् । आर्मीले कर्णाली प्रदेशलाई हराउँदै तेश्रो जित दर्ता गर्दा प्रदेश तीनले गण्डकीलाई हराउँदै प्रतियोगितामा दोश्रो जित हात पारेको छ ।

मुलपानी क्रिकेट मैदानमा भएको खेलमा कर्णाली प्रदेशलाई १ सय १७ रनले पराजित गर्दै आर्मीले प्रतियोगितामा तेस्रो जित दर्ता गरेको हो । आर्मीले प्रस्तुत गरेको २ सय ९१ रनको लक्ष्य पछ्याएको कर्णाली ३५ दशमलब ओभर १ ओभरमा १ सय ७३ रनमा समेटियो ।

यसै गरी हिजै भएको अर्को खेलमा प्रदेश ३ ले लगातार दोस्रो जित दर्ता गरेको छ । किर्तिपुरस्थित त्रिवी क्रिकेट मैदानमा भएको खेलमा गण्डकी प्रदेशलाई ७ विकेटले पराजित गर्दै प्रदेश ३ ले दोस्रो जित निकालेको हो । गण्डकी प्रदेशले प्रस्तुत गरेको १ सय ९ रनको लक्ष्य प्रदेश ३ ले २३औँ ओभरमा ३ विकेट गुमाएर पुरा र्गयो ।

टस जितेर पहिले ब्याटिङ गरेको गण्डकीले ३० दशमलव १ ओभरमा सबै विकेट गुमाएर १ सय ८ रन बनाएको थियो । गण्डकीका लागि सुमा घिमिरेले ३४ तथा आकाश थापाले २४ रन जोडे । प्रदेश ३ का लागि कप्तान पारस खड्का र सुर्य तामाङले ४/४ विकेट लिए । नन्दन कुमार यादबले २ विकेट लिए ।