अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा थ्री स्टार क्लबले दोस्रो जित निकालेको छ ।

दशरथ रंगशालामा आज भएको खेलमा जावलाखेल युथ क्लबलाई २-१ गोल अन्तरले पराजित गर्दै थ्री स्टार अंक तालिकाको पाँचौं स्थानमा उक्लेको छ ।

अघिल्ला चार खेलमा बराबरी खेलेको थ्री स्टारलाई जावलाखेलविरुद्ध जित दिलाउन आयुष घलान र ऋतिककुमार खड्काले गोल गरेका थिए ।

तीन खेलमा अपराजित रहेको जावलाखेलका लागि भने निकोलस फर्नान्डेजले गोल गरेका थिए ।

खेलको ७औं मिनेटमा आयुषले गोल गर्दै थ्री स्टारलाई अग्रता दिलाएका थिए ।

२६औं मिनेटमा ऋषिकले गोल गर्दै अग्रता दोब्बर पारेका थिए ।

जावलाखेलका लागि निकोलसले ५५औं मिनेटमा गोल गर्दै खेलमा फर्काएको छ ।

जावलाखेल ७ अंकसहित नवौं स्थानमा यथावत छ ।