अखबार नेपाल ट्रेन्डिङ

काठमाडौं: जारी सहिद स्मारक ‘ए’ डिभिजन लिग फुटबल अन्तर्गत आज शनिबार तीन खेलहरु हुँदैछन् ।

जसमा दुई खेल त्रिपुरेश्वरस्थित दशरथ रंगशाला र एक खेल मोफसल पोखरा रंगशालामा हुनेछ ।

दशरथ रंगशालामा हुने पहिलो खेलमा थ्री स्टार क्लब र जवालाखेल युथ क्लबबीच प्रतिस्पर्धा हुनेछ ।

थ्री स्टार र जवालाखेलबीचको खेल दिउँसो १ बजे सुरु हुनेछ ।

थ्री स्टार ६ खेलमा ७ अंक जोडेर लिगको आठौं स्थानमा छ ।

जावलाखेल ६ खेलमा ७ अंक जोडेर नवौं स्थानमा छ ।

यस्तै पोखरा रंगशालामा मनाङ मर्स्याङ्दी क्लब र ब्रिगेड ब्वाइजबीच खेल हुनेछ ।

मनाङ र ब्रिगेडबीचको खेल दिउँसो २ बजे हुनेछ ।

मनाङ ६ खेलमा १३ अंक जोडेर दोस्रो स्थानमा रहेको छ ।

एएफसी कप छनोट खेल्नका लागि मनाङलाई ब्रिगेडविरुद्ध जित्नैपर्ने हुन्छ ।

ब्रिगेड ६ खेलमा ५ अंक जोडेर लिगको १२ औं स्थानमा छ ।

यसैबीच दशरथ रंगशालामा हुने अर्को खेलमा संकटा क्लब र च्यासल युथबीच प्रतिस्पर्धा हुनेछ ।

संकटा र च्यासलबीचको खेल ४:४५ बजे सुरु हुनेछ ।

संकटा ६ खेलमा १२ अंक जोडेर तेस्रो स्थानमा रहेको छ ।

च्यासल ४ अंक जोडेर १३ औं स्थानमा रहेको छ ।