अखबार नेपाल ट्रेन्डिङ

टस हारेर फिल्डिङको निम्तो पाएको नेपालका लागि सोमपाल कामीले लगातार विकेट लिएका छन्।

पहिलो ओभरमै विकेट लिएका सोमपालले आफ्नो व्यक्तिगत दोस्रो ओभरमा पनि विकेट लिए।

कामीले पहिलो ओभरको अन्तिम बलमा आस्फाक अहमदलाई ४ रनमा आउट गर्दै पहिलो सफलता दिलाएका थिए। अहमदलाई उपकप्तान ज्ञानेन्द्र मल्लले क्याच गरेका हुन्।

यस्तै तेस्रो ओभरमो तेस्रो बलमा युएईका गुलाम सहबर ६ रनमा आउट भए। उनलाई विकेट किपर प्रदीप ऐरीले क्याच गरे।

तीन टी-२० सिरिजको पहिलो खेलमा २१ रनले पराजित भएको नेपालले सिरिजमा रहिरहन आजको खेल जित्नै पर्ने दबाब छ।

पहिलो खेलमा सुरूवाती र मिडिल अर्डर राम्रोसँग चल्न नसक्दा पराजित हुनु परेको नेपालका लागि आजको खेलमा यो गल्ति सच्याउँदै मौका समेत हुनेछ।

दुबईस्थित आइसिसी ग्लोबल क्रिकेट एकेडेमीको मैदानमा हुने खेलमा नेपाली टोलीले आज दुई परिवर्तन गरेको छ।

टोलीमा बसन्त रेग्मी र रोहित पौडेलको स्थानमा पवन सर्राफ र ललितनारायण राजवंशीलाई मौका दिइएको छ।।