अखबार नेपाल ट्रेन्डिङ

एजेन्सीः स्पेनिस ला लिगाको आधिकारिक वेबसाईटले बार्सिलोनाकोे फर्वार्ड लियोनल मेस्सीको नाम टिमबाट हटाएको छ ।

जुनको अन्तिममा बार्सिलोनासँग मेसीको सम्झौता सकिएको थियो ।

स्पेनिस ला लिगाको बार्सिलोनासँग मेस्सीले सम्झौता नवीकरण गर्न राजी भएको भनिए पनि अझै औपचारिकता पाएको छैन ।

ला लिगाले ३४ वर्षीय मेसीको नाम बार्सिलोनाको टिमबाट हटाएको हो ।

बार्सिलोनाबाट उनी १७ वर्षदेखि सिनियर टिमबाट खेलिरहेका थिए ।

बार्सिलोनाका कीर्तिमानी खेलाडी मेस्सीले बार्साबाट ७०९ गोल गरेका छन् ।

यो मैत्रिपूर्ण समेत गरेर हो ।

आधिकारिक रुपमा भने उनले ६७२ गोल गरेका छन् ।

बार्सिलोनाका नयाँ अध्यक्ष जोआन लापोर्टाले मेस्सीलाई क्लबमै राख्न निकै प्रयत्न गरिरहेका थिए ।

उनको चुनावी नारा नै मेस्सीलाई क्लबमा राख्ने रहेको थियो ।

अर्जेन्टिनाबाट कोपा अमेरिकाको उपाधि जितेका मेसी अहिले बिदामा छन् ।

यो पनि पढ्नु होस्ः

सन् २०३२ को ओलम्पिक तथा प्यारालेम्पिक अस्ट्रेलियाको ब्रिसबेनमा हुने