अखबार नेपाल ट्रेन्डिङ

एजेन्सीः ब्राजिल कोपा अमेरिका फुटबलको क्वार्टरफाइनलमा चिलीलाई पराजित गर्दै सेमिफाइनलमा प्रवेश गरेको छ ।

शनिबार बिहान भएको खेलमा आयोजक ब्राजिलले चिलीमाथि १–० गोल अन्तरको जित निकाल्दै अन्तिम चारमा स्थान बनाएको हो ।

पहिलो हाफ गोलरहित बराबरीमा सकिएको थियो ।

४७ औं मिनेटमा लुकासले गोल गर्दै ब्रजिललाई खेलमा अग्रता दिलाएका थिए ।

त्यही गोल नै चिली र ब्राजिलको खेलमा निर्णयक बन्यो ।

खेलको ४९ औं मिनेटमा गाब्रियल जिससले दानवीय प्रदर्शन गरे ।

जिससले चिलीका खेलाडीलाई सीधै लात्ताले अनुहारमा प्रहार गरेपछि रेफ्रीले रातो कार्ड देखाएका थिए ।

उनको प्रदर्शनलाई लिएर फुटबल विज्ञाहरुले जानवरको प्रदर्शनको संज्ञासमेत दिएका छन् ।

ब्राजिल दोस्रो हाफको सुरुदेखि नै १० खेलाडीमा समेटिएको थियो ।

तर यसको फाईदा चिलीले लिना सकेन ।

बल पोसेसन चिलीको पक्षमा ५८ प्रतिशत रहेको थियो ।

गोल गर्ने मौका सिर्जन गरेपनि चिलीले अन्तिमा चुक्दा घर फर्कन बाध्य भयो ।

ब्राजिल कोपा अमेरिकामा पेरुसँग यस पटक सेमिफाइनलमा नै आमन्ने सामन्ने हुने भएका छन् ।

याे पनि पढ्नु हाेस्

कोपा अमेरिका २०२१ पाराग्वे पराजित पेरू सेमीफाइनलमा