अखबार नेपाल ट्रेन्डिङ

काठमाडौंः सन् २०२२ को विश्वकप तथा सन् २०२३ को एसिया कप छनोट अन्तर्गत दोस्रो चरणको छनोटमा नेपालले सोमबार बलियो टिम जोर्डनसँग खेल्दैछ ।

खेल राति ९ः४५ बजे कुवेत सिटीस्थित जाबेर अल अहमद अन्तर्राष्ट्रिय स्टेडियममा हुँदैछ ।

मुख्य प्रशिक्षक अब्दुल्लाह अलमुताइरीले टिमको लक्ष्य जित नै रहेको बताएका छन् ।

प्रशिक्षक भन्छन ‘हरेक खेल शून्यबाट शुरु हुन्छ र परिणाम मैदानको प्रदर्शनमा निर्भर गर्दछ ।

हाम्रो लक्ष्य शुरुबाट खेल जित्ने छ । हाम्रो लक्ष्य एसिया कप छनोट हुनु हो । यसका लागि जोर्डनविरुद्ध जित आवश्यक छ ।

नेपालले जोर्डनविरुद्ध हालसम्म तीन पटक खेलेको छ । नेपालले दुई खेल गुमाएको छ । एक खेल बराबरी खेलेको छ ।

सन् २०११ मा विश्वकप छनोट अन्तर्गत नेपालले जोर्डनसँग खेलेको पहिलो खेलमा जोर्डनको मैदानमा ९–० गोल अन्तरले पराजित भएको थियो ।

२०११ मै नेपालमा भएको खेलमा नेपालले जोर्डनलाई १–१ गोलको बराबरीमा रोकेको थियो । २०१९ मा नेपालले जोर्डनसँग अक्टोबरमा खेलेको थियो ।

विश्वकप छनोट अन्तर्गत नेपालले जोर्डनसँग उसैको मैदानमा ३–० गोल अन्तरले पराजित भएको थियो ।

नेपाल विश्वकप छनोटको सम्भावनाबाट बाहिरिएको छ । एसिया कप छनोटको सम्भावना जिवितै छ ।

त्यसका लागि नेपालले जोर्डनलाई हराउनै पर्ने हुन्छ ।

छनोटको समूह बी मा रहेको नेपालले ६ खेलमा ६ अंक जोडेको छ ।

नेपाल तालिकाको चौंथो स्थानमा रहेको छ ।

जोर्डन ५ खेलमा १० अंक जोडेर तेस्रो स्थानमा रहेको छ ।

शतप्रतिशत नतिजासहित ५ खेलबाट १५ अंकको अष्ट्रेलिया पहिलो, ६ खेलबाट १० अंकको कुवेत दोस्रो तथा पुछारको चाइनिज ताइपेई अंकविहीन छ ।

यो पनि पढ्नु होस्

https://www.akhabarnepal.com/%e0%a4%a8%e0%a5%87%e0%a4%af%e0%a4%ae%e0%a4%be%e0%a4%b0-%e0%a4%aa%e0%a5%8d%e0%a4%b0%e0%a4%a4%e0%a4%bf%e0%a4%af%e0%a5%8b%e0%a4%97%e0%a4%bf%e0%a4%a4%e0%a4%be%e0%a4%ae%e0%a4%be-%e0%a4%b8%e0%a4%b9%e0%a4%ad/