विराटनगर सिटी एफसीका प्रशिक्षक यान ललाई एक सिजनको प्रतिबन्ध, क्लबलाई जरिवाना
वि.सं.२०७८ जेठ १२ बुधवार १३:३७
काठमाडौंः नेपाल सुपर लिग (एनएसएल) टिम विराटनगर सिटी एफसीका मुख्य प्रशिक्षक यान ललाई एक सिजनको प्रतिबन्ध लगाइएको छ ।
पहिलो संस्करणको फ्रेन्चाइज फुटबल प्रतियोगितामा खेल दौरान उनले गरेको अभद्र व्यवहारका कारण प्रतिबन्धमा परेका हुन् ।
आयोजक नेपाल स्पोर्ट्स म्यानेजमेन्ट कम्पनीले बुधबार एक विज्ञप्ति निकाल्दै प्रतियोगिताको आचारसंहिता उल्लंघन गरेको भन्दै प्रशिक्षक यान ललाई एक सिजनको प्रतिबन्ध लगाएको हो ।
एनएसएल अन्तर्गत ललितपुर सिटीविरुद्धको खेलमा रेफ्रीविरुद्ध आक्रोश पोख्दै भारतीय प्रशिक्षक यानले टचलाइन क्रस गरेका थिए ।
विराटनगर सिटी एफसीका प्रशिक्षकले अभद्र व्यवहार पनि देखाएका थिए ।
प्रतिबन्धसँगै उनलाई ५० हजार रुपैयाँ जरिवानासमेत गरिएको छ ।
यस्तै, एनएसएलले विराटनगर क्लबलाई पनि एक लाख रुपैयाँ जरिवाना गरेको छ ।
एनएसएलले खेलका अफिसियललाई पनि जरिवाना गरेको छ ।
टिमका अफिसियलले खेल अवरुद्ध गर्दै खेलाडीलाई मैदान छाड्न लगाएका थिए ।
प्रतियोगिताको प्राविधिक सहयोगी अखिल नेपाल फुटबल संघ ९एन्फा० र आयोजक नेपाल स्पोर्ट्स म्यानेजमेन्ट कम्पनीले छानबिन
गरेपछि प्रशिक्षक, क्लब र अफिसियललाई प्रतिबन्ध तथा जरिवाना गरेको हो ।
विराटनगरका फुटबल निर्देशक सोनम घले र सहायक प्रशिक्षक निशान श्रेष्ठलाई तीनरतीन खेलको प्रतिबन्ध लगाइएको छ ।
प्लेअफ पुग्न दुवै टोलीलाई जित अनिवार्य रहेको खेलमा पहिलो हाफमै १–० ले पछि परेपछि विराटनगरले मैदानमा अभद्र व्यवहार गरेको थियो ।
यो पनि पढ्नु होस्
वि.सं.२०७८ जेठ १२ बुधवार १३:३७