बार्सिलोनालाई शीर्ष स्थानमा उक्लने मौका
वि.सं.२०७८ वैशाख २८ मंगलवार १६:०९
एजेन्सीः स्पेनिस ला लिगा फुटबलमा आज राति बार्सिलोनाले लेभान्टेसँग खेल्दै छ ।
लेभान्टेको घरेलु मैदानमा हुने खेलमा बार्सिलोनालाई शिर्ष स्थानमा उक्लीने मौका पनि हुनेछ ।
खेल नेपाली समयानुसार राति १ः ४५ मा सुरु हुनेछ ।
बार्सिलोनालाई उपाधि होडमा आफूलाई बलियो बनाउन आजको खेलमा जित निकाल्नुपर्ने आवश्यक छ ।
लिगमा ३५ खेल खेलेको बार्सिलोना ७५ अंकका साथ तालिकाको तेस्रो स्थानमा छ ।
आजको खेलमा जित निकाल्न सके बार्सिलोना तालिकाको शीर्ष स्थानमा उक्लनेछ ।
शीर्ष स्थानको एट्लेटिको मड्रिडको ३५ खेलबाट ७७ अंक छ ।
समान ७५ अंक भएको रियल मड्रिड गोल अन्तरको आधारमा तालिकाको दोस्रो स्थानमा छ ।
यता, लेभान्टे आजको खेलमा जित निकाल्दै आफूलाई तालिकामा बलियो बनाउने योजनामा छ ।
३५ खेल खेलेको लेभान्टे ३९ अंकसहित तालिकाको १४औँ स्थानमा छ ।
यो पनि पढ्नु होस्
वि.सं.२०७८ वैशाख २८ मंगलवार १६:०९