च्याम्पियान लिगको फाईनलमा चेल्सी र म्यानचेस्टर सिटीको भिडन्त
वि.सं.२०७८ वैशाख २३ बिहीवार ०७:४९
एजेन्सीः स्पेनिस महारथी रियल मड्रिडलाई पराजित गर्दै चेल्सी च्याम्पियान लिग फाईनल पुगेको छ ।
स्टाम्फोर्ड ब्रिजमा भएको खेलमा रियल म्याड्रिड माथि २-० को सहज जित निकालेको चेल्सी समग्रमा ३-१ को नतिजा निकाल्न सफल भयो ।
चेल्सीले यस सिजनको च्याम्पियन्स लिग फाइनलमा इंग्लिस प्रिमियर लिगमा आफ्नो प्रतिद्वन्द्वी म्यानचेस्टर सिटीको सामना गर्ने भएको छ ।
थोमस टचेलको आगमनसँगै चामत्कारिक परिवर्तन देखिएको चेल्सीका लागि गोलरक्षक एडोवार्ड मेण्डीको प्रदर्शन शानदार रह्यो ।
पहिलो हाफमा उनले करिम बेन्जेमाको शशक्त दुई प्रहारलाई रोकेका थिए ।
अघिल्लो साता सान्टियागो वर्नबाउमा १-१ को बारबरी खेलेको चेल्सीले २८ औं मिनेटमा टिमो वेर्नरको गोलबाट अग्रता बनायो ।
काई हाभेर्टजले गरेको प्रहार बारमा लागेर फर्किएपछि वेर्नरले लगभग गोललाइनबाट हेड गोल गरेका थिए ।
दोस्रो हाफमा बल पकड चेल्सीको नियन्त्रणमा थियो ।
उसले आफ्ना पूर्व गोलरक्षक थियावट कोर्टवालाई पछि पार्न कठिन भइरहेको थियो ।
हाभेर्टज्, एनगोलो कान्टे लगायतको प्रहार कोर्टवाले रोकेका थिए ।
८५ औं मिनेटमा मासोन माउन्टले गोल गरेपछि चेल्सीको फाइनल यात्रा निश्चित बन्यो ।
चेल्सी सन् २०१२ पछि पहिलोपल्ट च्याम्पियन्स लिगको फाइनलमा पुगेको हो ।
जनवरीमा क्लबका लिजेन्ड फ्र्यांक लाम्पार्डलाई बर्खास्त गरिएपछि आएका थोमस टचेलले क्लबमा उल्लेख्य परिवर्तन गरेका छन् ।
उनले लगातार दोस्रोपल्ट च्याम्पियन्स लिगको फाइनलमा पुग्ने अवसरसमेत पाएका छन् ।
अघिल्लो सिजन पेरिस सेन्ट जर्मेइन ९पीएसजी०मा रहँदा उनको टोली फाइनलमा बायर्न म्यूनिखसँग पराजित रहेको थियो ।
फाइनल मे २९ मा टर्कीको इस्तानबुलमा हुनेछ ।
यो पनि पढ्नु होस्
वि.सं.२०७८ वैशाख २३ बिहीवार ०७:४९