मोफसलकै चर्चित आहा रारा गोल्डकप फुटबलको १९औं संस्करण आजबाट सुरु
वि.सं.२०७७ चैत २१ शनिवार ०९:५६
पोखरा: मोफसलकै चर्चित राष्ट्रिय फुटबल प्रतियोगिता आहा रारा गोल्डकप फुटबलको १९औं संस्करण आजबाट सुरु हुँदैछ ।
सहारा क्लब पोखराको आयोजना हुने प्रतियोगिताको पोखरा रंगशालामा उद्घाटन खेलमा आयोजक सहारा क्लब पोखरा र नेपाल एपीएफबीच प्रतिस्पर्धा हुनेछ ।
आयोजक र एपीएफबीचको खेल दिउँसो २:३० बजे सुरु हुनेछ ।
प्रतियोगिताको उद्घाटन राष्ट्रिय खेलकुद परिषद् (राखेप) का सदस्य सचिव रमेशकुमार सिलवालले गर्नेछन् ।
सहिद स्मारक ए डिभिजन लिगको विजेता मछिन्द्र क्लबसहित ६ टोली, आयोजक र एक विदेशी टोली अफ्रिकन रुट्स एसोएिसन (एआरए) गरि ८ टोलीले प्रतियोगितामा भाग लिएका छन् ।
यस संस्करणमा नेपाल आयल निगम मनाङ मस्याङ्ग्दी क्लब, नेपाल पुलिस क्लब, रुस्लान थ्री स्टार क्लब, नेपाल एपिएफ क्लब, संकटा क्लब, मछिन्द्र क्लब, अफ्रिकन रूट एसोसिएसन क्यामरुन र सहारा क्लब पोखराको सहभागिता रहेको छ ।
प्रतियोगिताको विजेता टिमले नगद १० लाख १ हजार रुपैँया हात पार्नेछ भने उपबिजेता टिमले नगद ५ लाख १ हजार प्राप्त गर्ने आयोजकले जनाएको छ ।
व्यक्तिगत विधातर्फ सुर्य बहादुर केसी मेमोरियल उत्कृष्ट गोलकिपर, डिफेन्डर,मिडफिल्डर, स्ट्राइकर र प्रशिक्षकलाई जनही २५ हजार प्रदान गरिने आयोजकले जनाएको छ ।
नेपाली कांग्रेसद्वारा ओलीको राजीनामा माग, आफ्नै नेतृत्वमा सरकार बनाउने निर्णय
माधव नेपाल पक्षको स्थायी कमिटी बैठक आज बस्दै
वि.सं.२०७७ चैत २१ शनिवार ०९:५६