अखबार नेपाल ट्रेन्डिङ

काठमाडौं: सिंगटी हाइड्रो इनर्जी लिमिटेडको साधारण सेयर (आईपीओ) आउँदो शुक्रबार बाँडफाँड हुने भएको छ ।

आगामी शुक्रबार आईपीओ बाँडफाँड गर्नेगरी काम भइरहेको बिक्री प्रबन्धक मेगा क्यापिटलले जनाएको छ ।

मेगा क्यापिटलका अनुसार अहिले आवेदकहरुको भेरिफाई भइरहेको छ भने आगामी मंगलबार प्रि अलोटमेन्ट हुनेछ ।

कम्पनीले चैत ६ गतेदेखि प्रतिसेयर १०० रुपैयाँअंकित मूल्यका २९ लाख कित्ता साधारण सेयर बिक्री खुला गरेको थियो ।

कम्पनीको आईपीओमा १६ लाख २६ हजार ९ सय आवेदकले २ करोड ४७ लाख ६७ हजार ८ सय ५० कित्ता सेयर माग गर्दै आवेदन दिएका छन् ।

धितोपत्र निष्कासन तथा बाँडफाँड नियमावली अनुसार सबै आवेदकलाई १० कित्ता वा सोभन्दा बढी पर्ने भएमा १० ले भाग जाने गरी बराबर रुपमा बाँडफाँड गर्नुपर्ने हुन्छ ।

सबै आवेदकलाई १० कित्ता नपर्ने भएमा आवेदकमध्येबाट गोलाप्रथा गरी जतिलाई पुग्छ, १० कित्ताको दरले बाँडफाँड गर्नुपर्छ ।

सिंगटी हाइड्रोले सर्वसाधारणको लागि निष्कासन गरेको २६ लाख ९७ हजार कित्ता आईपीओ गोलाप्रथाबाट १० कित्ताको दरले भाग लगाउँदा २ लाख ६९ हजार ७ सय आवेदकले सेयर पाउनेछन् ।

बाँकी रहेका साढे १३ लाखभन्दा बढीको हात खाली हुने कम्पनीको बिक्री प्रबन्धकमा मेगा क्यापिटल मार्केट लिमिटेडले जनाएको छ ।

मोफसलकै चर्चित आहा रारा गोल्डकप फुटबलको १९औं संस्करण आजबाट सुरु
माधव नेपाल पक्षको स्थायी कमिटी बैठक आज बस्दै
नेपाली कांग्रेसद्वारा ओलीको राजीनामा माग, आफ्नै नेतृत्वमा सरकार बनाउने निर्णय