अखबार नेपाल ट्रेन्डिङ

एजेन्सी: पोर्चुगल कतार विश्वकप २०२२ को युरोपियन छनोटको दोस्रो खेलमा सर्वियासँग बराबरीमा रोकिएको छ ।

सर्वियाको मैदानमा भएको खेलमा पोर्चुगलका लागि दुवै गोल डिएगो जोटाले गर्दा घरेलु टोलीका एलेक्सान्डर मित्रोभिक र फिलिप कोस्टिकले बराबरी गोल फर्काए ।

खेलको ११औं मिनेटमा बर्नाडो सिल्भाको पासमा डिएगो जोटाले गोल गर्दै पोर्चुगललाई १–० को अग्रता दिलाए ।

यसैबीच खेलको ३६औं मिनेटमा सेड्रिक सोराएसको पासमा जोटाले व्यक्तिगत दोस्रो गोल गर्दै पोर्चुगललाई पहिलो हाफमा २–० को अग्रत दिलाए ।

पोर्चुगलले त्यो अग्रतालाई दोस्रो हाफमा जोगाउन सकेन । दोस्रो हाफको शुरुमै ४६औं मिनेटमा एलेक्सान्डर मित्रोभिकले गोल गर्दै खेललाई २–१ को अवस्थामा ल्याए ।

खेलको ६०औं मिनेटमा फिलिप कोस्टिकले गोल गर्दै खेललाई २–२ गोलको बराबरीमा ल्याए । त्यसपछि थप गोल हुन नसक्दा खेल २–२ गोलको बराबरीमा सकियो ।

बराबरीपछि समूह ‘ए’ मा सर्विया दुई खेलबाट ४ अंक जोडेर शीर्षस्थानमा रहेको छ ।

समान ४ अंक भएपनि पोर्चुगल गोल अन्तरमा दोस्रो स्थानमा रहेको छ ।

यही समूहको अर्को खेलमा आयरल्यान्डले लक्जेमवर्गलाई १–० ले पराजित गरेको छ ।

समूहमा लक्जेमवर्गको ३ तथा पराजित आयरल्यान्ड र अजरवैजानले अंकको खाता खोल्न सकेको छैन ।

विश्वकप छनोटमा चेक रिपब्लिक र बेल्जियमले बराबरी खेल्दै अंक बाँडे
विश्वकप २०२२ को युरोपियन छनोटमा क्रोएसिया र नेदरल्यान्ड्सको जित