अखबार नेपाल ट्रेन्डिङ

एजेन्सी: म्यानचेस्टर सिटी च्याम्पियन्स लिग फुटबलको क्वाटरफाइनलमा प्रवेश गरेको छ ।

गएराति भएको अन्तिम १६ को दोस्रो लेगमा जर्मन क्लब बोरुसिया मन्छेनग्लाडबाखलाई २-० गोल अन्तरले पराजित गर्दै सिटी अन्तिम आठमा पुगेको हो ।

जर्मन क्लबविरुद्ध सिटी समग्रमा ४-० को जितसहित अन्तिम आठमा पुगेको हो ।

पहिलो लेगमा सिटीले २-० कै जित निकालेको थियो ।

दोस्रो लेगमा सिटीलाई जित दिलाउन केभिन डी ब्रुएन र इल्के गुन्डोगानले एक-एक गोल गरे ।

खेलको १२औं मिनेटमा ब्रुएन र १८औं मिनेटमा गुन्डोगानले गोल गर्दै सिटीलाई २-० को सहज जित दिलाए ।

सिटी लगातार चौंथो सिजन च्याम्पियन्स लिगको क्वाटरफाइनलमा पुग्न सफल भएको छ ।

हेर्नुहोस् तपाईको आज २०७७ चैत ४ गते बुधबारको तपाईको राशिफल