अखबार नेपाल ट्रेन्डिङ

एजेन्सी: टोटेनहमले युरोपा लिग फुटबलको अन्तिम १६ को पहिलो लेगमा डाइनामो जाग्रेबमाथि जित निकालेको छ ।

गएराति भएको खेलमा टोटेनहमले जाग्रेबलाई २-० गोल अन्तरले पराजित गरेको हो । टोटेनहमको जितमा ह्यारी केनले दुबै गोल गरे ।

घरेलु मैदानमा खेलको २५औं मिनेटमा केनले गोल गर्दै टिमलाई १-० को अग्रता दिलाएका थिए ।

त्यसपछि खेलको ७०औं मिनेटमा केनले व्यक्तिगत दोस्रो गोल गर्दै टोटेनहमलाई २-० को जित दिलाए ।

जितसँगै टोटेनहमको अन्तिम आठमा पुग्ने सम्भावना बलियो बनेको छ ।

टोटेनहमले दोस्रो लेग डाइनामोको घरेलु मैदानमा खेल्नेछ ।