अखबार नेपाल ट्रेन्डिङ

एजेन्सी: इटालियन सिरी ‘ए’ फुटबलमा शीर्ष स्थानको इन्टर मिलानले पर्मालाई २-१ गोल अन्तरले पराजित गरेको छ ।

इन्टरलाई जित दिलाउन एलेक्सिस सान्चेजले दुई गोल गरे । पर्माका हेर्नानीले १ गोल फर्काए ।

खेलको ५४ औं मिनेटमा सान्चेजले गोल गर्दै इन्टरलाई १-० को अग्रता दिलाएका थिए ।

खेलको ६२ औं मिनेटमा सान्चेजले व्यक्तिगत दोस्रो गोल गर्दा इन्टरले २-० को अग्रता बनायो ।

त्यसपछि खेलको ७१ औं मिनेटमा पर्माका हेर्नानीले एक गोल फर्काएपनि इन्टर २-१ ले विजयी भयो ।

जितसँगै इन्टरले लिगमा एसी मिलानविरुद्ध ६ अंकको अग्रता बनाएको छ ।

इन्टरले २५ खेलमा ५९ अंक जोडेको छ । दोस्रो स्थानको मिलानको ५३ अंक रहेको छ ।

पर्मा १५ अंक जोडेर १९ औं स्थानमा रहेको छ ।

प्रतिबन्धित नेकपाका नेत्रविक्रम चन्द ‘विप्लव’ आज सार्वजनिक हुँदै