अखबार नेपाल ट्रेन्डिङ

एजेन्सी: म्यानचेस्टर युनाइटेड रेलिगेशनबाट बच्न संघर्ष गरिरहेको वेष्ट ब्रोमसँग गए राती १–१ को बराबरीमा रोकिएको छ ।

म्यानचेस्टर युनाइटेडका प्रशिक्षक ओले गनर सोल्सायरले शीर्ष स्थानको म्यानचेस्टर सिटीलाई सजिलै उपाधि जित्न नदिने बताएका छन्।

बराबरीसँगै युनाइटेडले २४ खेलबाट ४६ अंक जोडेको छ ।

जुन शीर्ष स्थानको सिटीभन्दा सात अंकले पछाडी हो ।

तथापी सिटीले अझै एक खेल कम खेलेको छ ।

पेप ग्वार्डिओलाको सिटीले सबै खाले प्रतियोगितामा लगातार १५ खेल जितेर कीर्तिमान कायम गरेको थियो ।

सिटीले अब एभर्टनसँग प्रतिस्पर्धा गर्नेछ ।

उक्त खेल जितेमा सिटीले १० अंकको अग्रता लिनेछ ।

युनाइटेडका प्रशिक्षक सोल्सायरले उपाधि होडमा सिटीमाथि दबाब कायम राख्ने बताएका छन् ।

उनी भन्छन्, ‘‘सिटी राम्रो टीम हो ।

उनीहरु राम्रो लयमा छन् ।

लेस्टर सिटी र हामी प्रतिस्पर्धामा छौं।

हामीले सिटीविरुद्ध पनि खेल्न बाँकी छ ।

हामी सिटीलाई सजिलै उपाधि जित्न दिदैनौं ।’’

वेष्ट ब्रोमविरुद्ध युनाइटेडले दोस्रो मिनेटमै गोल खाएको थियो ।

एमबाये डिगनेले गरेको गोलबाट घरेलु टोली वेष्ट ब्रोमले अग्रता लिएको थियो ।

४४औं मिनेटमा युनाइटेडका ब्रुनो फर्नान्डेजले बराबरी गोल फर्काए ।

‘‘आजको नतिजाबाट म निराश छु ।

आज हामी तीन अंक लिएर शीर्ष स्थानमा रहेको क्लबलाई चुनौती पेश गर्न चाहन्थ्यौं ।

सुरुमै गोल खादाँ निराश हुनुपर्यो,’’ युनाइटेडका प्रशिक्षक सोल्सायरले भने ।

युनाइटेडले इङ्लिस प्रिमियर लिगमा पछिल्लो पाँचमध्ये एक खेलमात्र जितेको छ ।

एक खेल हारेको युनाइटेडले बाँकी खेल बराबरी खेलेको छ ।

प्रिमियर लिगको अन्य खेलमा आर्सनलले लिड्स युनाइटेडलाई ४–२ ले पराजित गरेको छ ।

एभर्टनले भने फुलह्यामलाई २–० को नतिजा सुम्पियो ।

यो पनि पढ्नु होस्

https://www.akhabarnepal.com/%e0%a4%b8%e0%a5%87%e0%a4%b0%e0%a5%87%e0%a4%a8%e0%a4%be-%e0%a4%b5%e0%a4%bf%e0%a4%b2%e0%a4%bf%e0%a4%af%e0%a4%ae%e0%a5%8d%e0%a4%b8-%e0%a4%85%e0%a4%b8%e0%a5%8d%e0%a4%9f%e0%a5%8d%e0%a4%b0%e0%a5%87%e0%a4%b2/